سبزه مصنوعی/ شاعره رحیم جان

Шеъре аз Бону Шоира Раҳимҷон,

Дар бораи сарзамин ва мардуми заҷркашидаи диёри Хуросони бостонӣ, “Афғонистон”:

Ин боғи пур аз гул, ки пур аз атри баҳорист,

Аз чи ҳама кас аз васати боғ фирорист?

Донӣ, ки шағолону сагон тӯда гирифтанд,

Дар ҷамъи ҳамин боғ, ки ҳар зуза таборист!

Дар боғ на гул монду на райҳону санавбар,

Ҳар нахл, ки сар зад сари вай то сари дорест.

Ҳар ғунча, ки лаб во кунаду рӯ нанамояд

Ҳукмаш нашукуфта ба сари теппа, мазорист.

Ин боғ ба майли дили одам нашуд, эй вой,

Ин сабзаи маснуъӣ дар ин ҷо ба чи корест?

Ин сабзаи аз зарби лагад мурда нанолид,

Ҳар нолаи бинҳуфта дар оҳанги гиторист.

Гулҳо, ки дар ин боғи муаттар нанумоянд,

Чодар ба сар аз ваҳшати деринаи хорест.

Шабнам, ки фақат субҳ ба рӯйи ту биборад,

Эй гул, ту аз ин лаҳза ба фикри шаби тор ист!