تماس: [email protected]
ته ور ته را نه غلې ګودر درپسې وژاړیدو
زموږ دکلي مزدیګر درپسې وژاړیدو
له ډېره وخته مې زړه جوړ وو څړیکې نه وې پکې
نن مې د سوي زړه پرهر در پسې وژاړیدو
تا به چې خلاص کړو له خندا څخه به کټ کټ شین شو
نن بند ولاړ دی پورې ور در پسې وژاړیدو
تا چې زموږ له کلي بلې خواته کډه یووړه
چینې جاري شولې ترې غر در پسې وژاړیدو
دنګه لالینه داسې نابېبره جېرته لاړې
چینار په ملا مات شو نښتر در پسې وژاړیدو
څپاند د وخت هرې څپېړې ته محکم ولاړ وو
اوښکې ېې راغلې زورور در پسې وژاړیدو
صابرګل څپاند
